أحببت أن اختار بعض الابيات
الجميله في ديوان بن صقيه الاخيربعد ان اطلعنا العضو المميز { ابوعبدالله } على روائع من ابياته وبحثت عن هذا العملاق وابياته وعثرت لكم على كنوز لايُيستهان بها .
طبعاً مما لاشك فيه
ان ديوان بن صقيه كله جميل وجزل
وهذا لايختلف عليه أثنين
لكن
أحببت أن أجيب بعض الجزاله
على بيتين وثلاث ابيات
أترك لكم التمتع بـ جزالة أبو علي
.
.
.
يقول أبو علي
انا غرابيل الدهر عـزرن بـي
من ميل بقعاء مستخفً وخايف
كم عذب المسكين من دون ذنبي
محد بنا غير أنت يارب رايـف
روابعي من كل صوبً غدن بي
حسيبك الله ياحيـاة الكسايـف
ويقول هنا
يقوله حزينٍ في رفيع الحجـا رقـا=إلى ضاق صدره للمراقيب يشتاقـي
بعيدٍ عن الراحه صبورً على الشقـا=من الهجس قلبه بين الاضلاع خفاقي
قضا العمر في هم وغرابيل وش بقا=تبيد الخلايـق كلهـا والله الباقـي
كـم واحـدً عنـد اللـزوم يتتقـا
وإن جت رخا هزً الوطا بالعزاوي
من خان سقا خان به مثـل سقـا
لامليت القربـه تجـذّ العـراوي
يروح حق اللي لهـم حـق عقـا
تغرضـاتٍ زايـدات وشهـاوي
العقل للعاقل على الراس تاجي
اقر السير وافهم لها يامتهجي
أحدٍ شرابه عذب واحدٍ هماجي
لهل المروه ماصفا الجو عجي
عمارنا قضت نكد وانزعاجـي
عن مقعد الحقران يارجل سجي
ويقول أيضاً
كل ماجيت ابنسى الهم والا نزعاجـه
شفت لي منظرً يحزن وكدر مزاجـي
ياهل الشرق الاوسط في بعضنا عواجه
المرض دب فينا ماوجد لـه علاجـي
نام حظ الفهود وقـام حـظ الخواجـه
رحمة الله عليكـم يافهـود الزراجـي
من يقاود بالرسن يسنى عليهومن هدر بالشبط يعبى له قياد
هيه ياراع الجياد المسرجات=لاعوى السرحان خلك بالحياد
بالردي من العرب لاتستجير=استجر باللي سمك سبع الشداد
اسأل اللي لادعيته يستجيـب=اترك المخلوق خذ علمٍ وكـاد
اسأل الخلاق والعالـم رقـود=مستجيب للدعا جزل المـداد
وهنا يبدو الحزن بـ مراره
الا يامل عيـنً دمعهـا بالـدم ينهلـي
كما هل الوبل من مزنةً براقهـا لاحـي
زمانً شاب منه الراس قبل الشيب يامهلي
شقى منه الفهيم وخالي التفكير مرتاحـي
الذيب جايـع والثعالـب شباعـي
لو صيح مالمصيحٍ صاح سماعي
المفتري فـي مايقولـه مطاعـي
ومعرب الجدين مستقبلـه ضـاع
افجوجها للـي يضايـق وساعـي
من يزبن الخالق عن الخلق ماضاع
وهنا يتوجد على الماضي
من توجد على عصر مضى مايلامي =ياوجود على جيل فنـى ياوجـودي
عيت العين من كثر البلاوي تنامـي=اسهر الليل كله والخلايق ارقـودي
جالس اللي مجلسه مجلس رجال
وابتعد عن من مجالسته سـراد
ولاتخاطب كل مغرور سفيـه
ولاتسلّ السيف خلـه بالغمـاد
انس ماسوى مشبب في شبيـب
واذكر اللي صايرً في قوم عاد
واعرف ان الله على خلقه رقيب
انتبه والنفس جاهدهـا جهـاد
والتزم بالصمت واحذر لاتعيل
ثم تشربك في شبك خطل الاياد
وهنا يذكر العفر ( من الابل )
العفر للي يعشـق العفـر ذباحـه
ارتاح لاشفتهـا وفراقهـا ذبحـي
عفرً على الحوض يوم الورد طياحه
من در خلقاتها من مر يصطبحـي
مامثلها عند راعيها على الساحـه
كم فارس دونها بالمعركـه ذبحـي
كل دارً مالها رجال صوانه
لاتهمك لو تشيّـد مبانيهـا
كم ديـانٍ تغـرّض لديانـه
حامي اشباه البهايم حراميها
افتحر باللي تداريه عدوانه
الرخوم اللي تراخا ماادانيها
ويقول أبو علي
الله يكفي شر ميـلات الايـام
وليل غطا الضلعان يوقظ نيامه
العام وسنين عديده ورى العـام
موت الاهانه صايبات سهامـه
سنين خلت راعي الخلف قـدام
الحر قل من الدبـور احترامـه
وقتً به المخدوم للخـدم خـدام
بالناس اخس الناس يسمع كلامه
جزايل الشاعر ابن صقيّه
العرض العادي
