ردّيـــــة عشق الشتـــا ..... ( مسجات )

[ريانة العود]

مسجااااااات عشق الشتاء

خط اتصالي شابك = وامعاتبي ياتيك
قيض الجفا وش يابك =عشق الشتا تكتيك
جمع البشر تحظابك = وعيني ماتهتنيك
وكانك مصد احبابك = كل العرب تجفيك
من توتك وعنّابك = قد تاق لك غاليك
ولاترد عني بابك = مادامني شاريك
وكانه مديم اغيابك = ماعود ولاارتجيك
ياخيطي المتشابك = عيّيت احلل فيك

رد الشاعر الكتبي

حيّ المثل واهلابك = ويامرحبا براعيك
راعي المعاني يابك = غالي بلا تشكيك
ياصاحبي حيّابك = عد المزن لي اتييك
واعداد رمل اترابك = وعدّ الغلا لي فيك
وعدٍّ يفوق احسابك = وعدّاشتياقي اليك
روحي تعشق جنابك = ودايم على طاريك
كثر العتب ماعابك = ولا يمنعني اجيك
امزيد غزلي تشابك = وانا غزلي عليك
كم يحلالي عتابك = يبيّن غلايه فيك
ياليتني قرّابك = من وصليه برويك
وانا فهيم امّابك = واطلب يلي يرضيك
مهما يكون اطلابك = حاضر وانا لبيّك
ولو الغلا مايابك = تراني ( مادانيك )

الرد :

برّاق من سحابك = كاد الحيا يحييك
والحب نبت اعشابك = واتناوش مايليك
عنّي غلقت ابوابك = غفلة وجدي عليك
ياذا الفراق انهابك = الله لاياتيك
مايسعدني غيابك = وانا شفقن عليك
ومنقوصنا بحسابك = مشاعر اتوماتيك
كل الذي عدّابك = من سالفن ماضيك
وانا الذي ادرابك = وبخاطريه عليك
ياصاح خط اكتابك = باحساسٍ ايواليك
هيّض محب ايهابك = ولا رامك ايجافيك

ريانة العود
صيف2007

 

 

---

ملاحظة :

جميع ما يكتب يخضع لقانون الحماية الفكرية ونحذر من نشر أي نص لشعرائنا دون نسبه لصاحبه في أي وسيلة إعلامية

 

توقيع » ريانة العود

المواضيع

0 بن مترف وريّانة العود ..( زايد المستحيل )
0 حمد بالحميدي الكتبي
0 رمضان طيّب وانت ....!!!!
0 فوع مفردات من الطبيعة ..
0 دختور طب النفسي

حرمه وإذا صك الزمان إمجدّه = مااوخي الهامه ..لجل تسميني
معتدّه إبفضل الولي ومستدّه = الهم في روحي واكحّل عيني

---

التعديل الأخير تم بواسطة ريانة العود ; 05-03-2010 الساعة 03:26 AM

[المهيري]

حروف
همسات
احساس

كتبتها مبدعه اعتدنا دائما منها هكذا حرف..
دمتِ مبدعه..سلمت لنا وسلم لنا قلمك..

واشكر الشاعر الكتبي على هكذا حرف..

 

[هدى شتيوى]

اسعد الله صباحكم بالخير 00 الله الله على الكلمات الجميلة
انتي ومن بيرد عليكي رائعة
تسلمي و الله معاكي و يرعاكي و يحفظكي
من كل سوء 000 اللهم أمين أمين

 

[سراب الشارجه]

صح لسانج شاعرتنا ولسان الشاعر الكتبي

يا خيطي المتشابك == عييت احلل فيك

دمتي بحفظ الرحمن

 

[ام مهاري]

صراحه شعرتنا مافيج حيله ابيات طررر ولا اروع